Josef en Maria, stap saam in die nag,
Betlehem is ver, vandag was `n lang dag
Maria glimlag, sy hou haar maag vas—
“Ons Baba kom binnekort,” fluister sy sag.
Ooo, reis deur die nag,
met ’n ster wat oor hulle wag.
Engele-kore sing,
want vanaand gaan die Koning vreugde vir die wêreld bring.
Betlehem is vol, daar’s nêrens plek om te rus,
Josef klop en hy vra, maar almal sê nee en sug.
Toe sien hulle ’n stal vol warm strooi,
“Maria, kom rus,” sê Josef met ’n glimlag mooi.
Ooo, reis deur die nag,
met ’n ster wat oor hulle wag.
Engele-kore sing,
want vanaand gaan die Koning vreugde vir die wêreld bring.
In die stille stal, waar die diertjies slaap,
gee die Baba Jesus ’n klein, klein gaap.
’n Krip vol strooitjies en `n krip so klein,
Die ster bo hulle sal helder skyn.
Herders buite hoor ’n engel sing,
Koning het gekom, wat vreugde vir die wêreld bring.
Hulle hardloop na die stal, hul kan hul oë nie glo,
die klein Koning lê daar, wat 'n seen van bo.
Ooo, reis deur die nag,
met ’n ster wat oor hulle wag.
Engele-kore sing,
want vanaand gaan die Koning vreugde vir die wêreld bring.
Slaap nou, klein Jesus, so stil en fyn…
Die wêreld word warm met jou lig wat skyn.
